ஜாமக்கோள் பிரசன்னம் என்றால் என்ன? - முழுமையான விளக்கம்

கடந்த கால நிகழ்வுகளையும், நடந்து கொண்டிருக்கும் நிகழ்வுகளையும் சேர்த்து, எதிர்காலத்தில் நடக்க இருப்பதையும் துல்லியமாகச் சுட்டிக்காட்டுவதே பிரசன்னம் ஆகும்.

பிரசன்னம் என்பது என்ன?

பிரசன்னம் (Prasannam) என்பது ஜோதிடத்தின் ஒரு முக்கிய சிறப்புப் பிரிவாகும். இது ஒருவரின் பிறப்பு ஜாதகத்தை (Birth Chart) அடிப்படையாகக் கொள்ளாமல், கேள்வி கேட்கப்படும் நேரத்திற்கு ஒரு ஜாதகம் கணித்து பலன் கூறும் முறை ஆகும். பிரஸ்னம் என்ற சொல்லே காலப்போக்கில் மருவி 'பிரசன்னம்' என மாறிவிட்டது.

நமது ஜோதிடத்தில் 36 வகையான பிரசன்னங்கள் உள்ளன. இவற்றில் மிகவும் பிரசித்தி பெற்றதும், நவீன காலத்திற்கும் பயன்படும் வகையில் இருப்பதும் நமது ஜாமக்கோள் பிரசன்னம் முறையாகும்.

பிரசன்னமும் ஆகாச ஆவணமும் (Akashic Records)

நாம் செய்யக்கூடிய செயல்கள், மறைக்கக் கூடிய விஷயங்கள், நம்முடைய எண்ணங்கள் அனைத்தும் பிரபஞ்சத்தில் பதிவு செய்யப்படும். இதை ஆகாச ஆவணம் (Akashic Records) என்று குறிப்பிடுவர்.

ரேடியோவில் உள்ள அலைவரிசை போன்று மனிதனின் எண்ணங்களும் அலைவரிசையில் பதிவு செய்யப்படும். பிரபஞ்சம் யாரோ ஒருவருக்கு ஏதோ ஒரு தகவலை கொடுக்க முயற்சி செய்கிறது. அதன் விளைவாக அவருக்குக் கேள்விகள் மனதில் தோன்றுகிறது. இந்தக் கேள்விக்கான பதில்கள் பிரபஞ்சத்திடம் உள்ளது.

ஜாமக்கோள் பிரசன்னம் பற்றிய வரலாற்றுத் தகவல்கள்

• இது தமிழரின் தொன்மையான பிரசன்ன முறைகளில் ஒன்றாகும்.
• இதனைப் பற்றிய குறிப்புகள் சினேந்திர மாலை என்ற 10-ஆம் நூற்றாண்டு ஜோதிட நூலில் இடம் பெற்றுள்ளது.
• சினேந்திர மாலை நூலின் ஆசிரியர்: ஜைன மாமுனிவர் உபேந்திர ஆசாரியர்.
• ஆயிரம் வருடங்களுக்கு முன்பு இயற்றப்பட்ட இந்நூல் தற்போதும் தஞ்சை சரஸ்வதி மஹால் நூலகத்தில் உள்ளது. சிலப்பதிகாரத்திலும் இதைப் பற்றிய தகவல்கள் உள்ளன.

ஜாமக்கோள் கணக்கீடு: ஜாமம் + கோள்

ஒரு ஜாமம் என்பது 90 நிமிடத்தைக் குறிக்கும். இந்த 90 நிமிடத்தில் கோள் என்று குறிப்பிடக்கூடிய 8 ஜாமக் கிரகங்கள் ஆட்சி செய்யும். உலகத்தில் எந்த நிகழ்வுகள் நடந்தாலும் அதற்கு இந்த ஜாமக் கிரகங்களே முக்கியக் காரணமாக இருக்கும்.

ஒரு நாளுக்கான ஜாமக் கணக்கீடு:

• ஒரு நாளிற்கு 24 மணி நேரம் = 16 ஜாமங்கள்.
• 16 ஜாமங்கள் ➨ 16 × 90 = 1440 நிமிடங்கள்.
• ஒரு ஜாமக் கிரகம் 1½ மணி நேரம் ஒரு ராசியில் ஆட்சி செய்யும். பகலில் 8 ஜாமங்கள் (12 மணி நேரம்), இரவில் 8 ஜாமங்கள் (12 மணி நேரம்).

உதயம், ஆருடம், கவிப்பு - விளக்கம்

1. உதயம் (கடிகாரத்தில் சின்ன முள்)

உதயம் என்பது கேள்வியையும், கேள்விக்கு உரிய நபரையும், எதிர்காலத்தையும் குறிப்பிடும். இது ஒரு ராசியை (30 டிகிரி) கடக்க சுமார் 1 மணி நேரம் (60 நிமிடங்கள்) எடுத்துக்கொள்ளும். ராசி கட்டத்தில் முன்னோக்கிச் செல்லும்.

2. ஆருடம் (கடிகாரத்தில் நிமிட முள்)

ஆருடம் என்பது கடந்த கால நிகழ்விலிருந்து தற்சமயம் நடந்து கொண்டிருப்பது வரை குறிப்பிடும். இது 60 நிமிடங்களில் 12 ராசிகளையும் கடந்துவிடும். ஒரு ராசியைக் கடக்க 5 நிமிடங்கள் எடுத்துக்கொள்ளும். இதுவும் முன்னோக்கிச் செல்லும்.

3. கவிப்பு (கடிகாரத்தில் நொடி முள்)

கவிப்பு என்பது ஒரு செயலைச் செய்தால் என்ன ஏற்படும் என்பதையும், விளைவுகளையும், ரகசியத்தையும் குறிப்பிடும். இதுவும் ஒவ்வொரு 5 நிமிடத்திற்கும் ஒரு ராசியைக் கடக்கும். ஆனால், ராசி கட்டத்தில் பின்னோக்கி (Anti-clockwise) செல்லும்.

எதற்கெல்லாம் பிரசன்னம் பார்க்கலாம்?

நவீன காலத்தில் மக்கள் அதிகமாக ஜோதிடரிடம் கேட்கும் பல கேள்விகளுக்குப் பிரசன்னம் மூலம் விடை காண முடியும். ஜாதகம் இல்லாதவர்களுக்கும் இது ஒரு வரப்பிரசாதம்.

கீழ்க்காணும் 70 வகையான நிகழ்வுகளுக்கு ஜாமக்கோள் பிரசன்னம் பார்க்கலாம்:

• திருமண பிரசன்னம்
• காதல் திருமணம்
• குழந்தை பாக்கியம்
• தொழில் லாபம்/நஷ்டம்
• மருத்துவ/நோய் பிரசன்னம்
• அமானுஷ்யம் பிரசன்னம்
• தோஷங்கள்/சாபங்கள் அறிதல்
• அரசியல்/தேர்தல் பிரசன்னம்
• வழக்குகள் மற்றும் தீர்ப்பு
• குடும்பப் பிரச்சனைகள்
• வாஸ்து பிரசன்னம்
• குலதெய்வம் அறிதல்
• செய்வினை பாதிப்பு அறிதல்
• காணாமல் போன பொருட்கள்
• திருட்டுப் பிரசன்னம்
• காணாமல் போன மனிதர்கள்
• கண்டம் மற்றும் ஆயுள்
• கடன் அடைபடுமா?
• வண்டி வாகனம் வாங்குதல்
• வேலை/உத்தியோகம் கிடைக்குமா?
• வெளிநாடு யோகம்
• விவாகரத்து பிரசன்னம்
• போர் (நீர்) பிரசன்னம்
• பிறந்த கால பிரசன்னம்
• இஷ்ட தெய்வம் அறிய
• சூதாட்டம்/பங்குச்சந்தை
• கர்ம வினையை அறிய
• பயணம் தொடர்பானவை
• ராசி நட்சத்திரம் அறிய
• தெய்வத்தின் நிலை அறிய
• உபாசனை பிரசன்னம்
• கனவு பலன் அறிதல்
• பரிகாரங்கள் பலன் தருமா?
• நிலம்/சொத்து வாங்குதல்
• நல்லவர்களா கெட்டவர்களா?
• எண்ணிக்கை பிரசன்னம்
• கணவன் மனைவி ஒற்றுமை
• கல்வி நிலை
• பிறப்பது ஆண்/பெண் குழந்தையா?
• வீடு கட்டுதல்
• மூன்றாம் நபருக்கான கேள்வி
• ஆடு, மாடு, வளர்ப்புப் பிராணிகள்
• சினிமா/கலைத்துறை
• விவசாயம் செழிக்குமா?
• கோவில் தொடர்பானவை
• பெயர் வைப்பது/மாற்றுவது
• கருக்கலைப்பு பிரசன்னம்
• உலகியல் ஜோதிட பிரசன்னம்
• சத்துரு (பகையாளி) வெற்றி
• விளையாட்டில் வெற்றி
• சீமந்தம் பிரசன்னம்
• மின்சார துண்டிப்பு/மழை
• ஆடையின் நிறம்/திசை அறிதல்
• கண் திருஷ்டி, பித்ரு தோஷம்
• நாக தோஷம், மாந்தி தோஷம்
• இறப்பு பிரசன்னம்